اعراض نقص فيتامين د وكيفية الحصول عليه من الطعام

(فيتامين د )

من الفيتامينات المهمة في الجسم والي بيحصل نقص فيها بالذات خلال فترة الشتاء ❄️ لاسباب كتير منها :

١–قلة تعرض الجسم لاشعة الشمس بسبب لبس الشتاء شبه بيغطي الجسم كله

٢– قلة حدة اشعة الشمس في الشتاء ⛅️

٣– الموقع الجغرافي للبلد الي حضرتك موجود فيها ، هل معرضة للشمس لفترات طويلة ..؟

المقالة 📃 متقسمة لتلات اجزاء :-

الجزء الاول1️⃣:  بيتكلم عن وظائف فيتامين د باختصار

الجزء التاني2️⃣ : بيتكلم عن نقص فيتامين د

الجزء الثالث 3️⃣: الجرعة

🔮وظائف فيتامين د (calcitriol) :-

📍حفظ نسبة الكالسيوم والفوسفات في الدم والحفاظ علي صحة العظام

📍له تأثير ايجابي قوي علي الجهاز المناعي  وبيلعب دور في تنظيم خلاياه ( immunomodulator)

📍لي دور فعال في تقليل الاصابة بامراض ضغط الدم وأمراض القلب وبعض الاورام السرطانية زي سرطان الثدي والقولون، في دراسة اتعملت علي ١٧ الف مريض سرطان لقت ان زيادة فيتامين د في الدم بنسبة 10nmol\L قللت بنسب ٤٪؜ نسبالوفاة بالسرطان 

📍بيأثر بطريقة غير مباشرة في بناء العضلات وزيادة قوة انقباضها وزيادة حجمها العضلي ، وبيحفز بعض الجيناتالمسئولة عن عملية تخليق البروتين في العضلات ( muscle protein synthesis) وبالتالي بيعلي من قوتك وادائكالرياضي ومستوي اللياقة

📍بيقلل من فترة اللازمة للاستشفاء(recovery time) ليك كرياضي

🔮اعراض نقص فيتامين د :-

📍 إرهاق وإجهاد وضعف عام في الجسم وخمول وبالتالي عدد ساعات نوم زيادة عن الطبيعي

📍اكتئاب

📍هشاشة والم في العظام بسبب امتصاص الكالسيوم من العضم عن طريق هرمون البارا ثايرويد ( parathyroid hormone) للحفاظ عن نسبة الكالسيوم في الدم

📍ضعف في العضلات وتشنجات ( muscle cramps)

📍مرض السمنة (obesity)

📍 بعض الاضطرابات العصبية زي (الزهايمر )

📍نقصه في الأطفال(infants)  بيسبب مرض الكساح( rickets)

📍في البالغين ( adults) :لين في العظام وبتبقي اكثر عرضة للكسر (osteomalacia)

🔮الجرعة :-

📌بعض المراجع حددت الجرعة من ٤٠٠–٨٠٠ وحدة دولية (IU)في اليوم للرجال والسيدات من سن ٩–٥٠ سنة ،

📌النسبة الي حددتها جمعية الغدد الصماء (the Endocrinology society)  هي ١٥٠٠–٢٢٠٠ وحدة دولية للناس اليمش بتتعرض لاشعة الشمس ، وكمان بتنقد النسبة ( ٦٠٠–٨٠٠) وانها نسبة مش كافية

📌للامانة العلمية : معهد الطب (the National institute of medicine) طلع تقرير ان جرعة اكتر من RDA او(الجرعة اليومية ) ملوش اي تأثير علي الاداء الرياضي او حتي علي الصحة العامة للعظام ( bone healthy)

📜ولكن ابحاث كتير مؤخرا وتجارب سريرية اتعملت علي جرعات اعلي من المذكورة كان ليها تأثير علي الاداء الرياضي وقوة العضلات ورفع كفاءة الجهاز التنفسي ، ولكن (within limit ) علي حسب الجينات والفروق الفردية …

🖋 النسبة الي حددتها جمعية طب الغدد الصماء كويسة وممكن تمشي عليها

⚪️ اتعملت تجربة سريرية علي ٧٠ شخص قسموهم لمجموعتين وكانوا بياخدوا جرعة من فيتامين د ٥٠ الف وحدة دولية ( IU)اسبوعيا بمعدل 7142 وحدة يوميا ، جزء منهم ( مش كلهم ) زاد معدل اداءه الرياضي

⚪️بعض المصادر ذكرت ان فيتامين د لي تأثير ايجابي بطريقة غير مباشرة علي ال (body recomposition) ودا مصطلح وسط كمال الاجسام معناه ( انك بتبني عضل وخسارة الدهون في نفس الوقت ) العمليتين في وقت واحد … ودانبقي نتكلم عنه في بوست وحده

📌اقصي جرعة (UI) مينفعش تتعداها كشخص طبيعي مش بيلعب اي رياضة هي ٤٠٠٠ (وحدة دولية )، والا هتدخل فيتسمم فيتامين د ومضاعافات ( دوخة وصداع ومشاكل في القلب والكلي ..الخ)

🔮مصادر فيتامين د في الاكل :

📍صفار البيض

📍منتجات الالبان

📍الاسماك واكتر الانواع الغنية بفيتامين د : سمك الماكريل والسالمون والسردين والتونة

📍زيت السمك ، وزيت كبد الحوت

📍الكبدة واللحوم
المراجع : 
https://www.ncbi.nlm.nih.gov/pmc/articles/PMC6164284/

دلوقتى تقدر تتابع دكتور حسين محمد علشان يوصلك كل المعلومات عن الصحة والتغذية السليمة من خلال موقعنا كمان ممكن تكشف اونلاين من وانت فى مكانك فى الميعاد اللى يناسبك من خلال اللينك ده
https://ultrahealthapp.com/doctors/hussien-mohamed/